Rreth 900 kosovarë u helmuan me ujin e pijes, dyshohet se ka diçka të qëllimshme

Zëri qytetar

“A guxon ky në Finlandë kështu?”, qytetari i reagon mërgimtarit që parkoi në rrugë...

Një qytetar mitrovicas është irrituar me një mërgimtar nga Finlanda, i cili kishte bllokuar tërësisht rrugën në qendër të...

E rrezikshme: Kabllot e rrymës në mes të rrugës në “Gorimahallë”, një bager i...

Një bager i madh ka kaluar para pak minutash në lagjen e njohur si “Gorimahalla” dhe ka bërë një...

Banorët e fshatit Dedi bëjnë punë të madhe, ia ndërrojnë kulmin shkollës që u...

Banorët e fshatit Dedi kanë marrë aksion për ta hequr kulmin e shkollës që u dëmtua nga reshjet atmosferike. Sipas...

Ankohet qytetari: Asnjë mjek në vendin e punës në Pediatrinë e spitalit të Skënderajt

Papërgjegjësia e stafit mjekësor në Spitalin e qytetit të Skënderajt, ka revoltuar një pacient. Ai ka dërguar disa pamje në...

Sjellja skandaloze e zyrtares së Komunës së Mitrovicës, e fyen një 75 vjeçar që...

Para rreth një ore, një burrë i moshuar ishte ulur në karriget e zyrës së Komunës së Mitrovicës ku...

Në Deçan, gjatë fundjavës janë helmuar rreth 900 persona. Banorët vijnë nga një rrethinë që ka lidhje të njëjtë ujësjellësi dhe institucionet shëndetësore kanë ngjallur dyshim se lënda helmuese mund të jetë uji i ujësjellësit. Kryetari i Komunës thotë se është hera e dytë brenda një muaji që ndodhin helmime dhe dyshon që ka diçka të qëllimshme në këto raste

Banorët e fshatrave Irzniq dhe Prilep të Lugut të Baranit i kanë thënë Gazetës Express se ka helmime në masë të madhe.

Dyshimet për helmime i kanë tek uji që përdoret në këto zona. Përfaqësues të fshatrave kanë shtuar se rrjeti i ujësjellësit është i vjetër dhe ka shumë probleme, duke treguar se ka shtëpi që nuk kanë ujë të ujësjellësit prej 8 vitesh.

Në Qendrën e Mjekësisë Familjare gjatë vikendit janë trajtuar rreth 884 persona me simptoma të njëjta, prej tyre vetëm njëzet janë dërguar në spitalin rajonal të Pejës, të tjerë janë trajtuar në qendrën e mjekësisë familjare në Deçan.

Drejtori i kësaj qendre ka thënë për Express se analizat kimike, të cilat kanë nxjerr ujin e pijshëm, por largohen dyshimet, derisa të bëhen analizat mikrobiologjike të ujit.

Kryetari i komunës së Deçanit, për këtë çështje, ka thirrur konferencë për media, ku ka theksuar se “kjo çështje do të zgjidhet dhe do e marrë përsipër personalisht për ta zgjidhur në çdo lloj forme”.

Kryetari i Deçanit, Bashkim Ramosaj, në një konferencë për media se kanë marrë vendimin që uji të mos përdoret më.

Ndërsa, sipas tij, rezultatet kanë treguar se kimikisht nuk ka probleme nga uji, por që po i presin edhe analizat biologjike.

“Ne kemi marrë vendim që uji të mos përdoret. Kemi ftuar prokurorinë, hetuesit, policinë e shtetit, IKSHPK-në, kompaninë “Hidrodrini” të cilët janë duke e kryet punën që të kemi një ekspertizë të saktë”, ka thënë ai.

Kryetari i Deçanit ka thënë se është hera e dytë që po ndodh një gjë e tillë dhe se kjo bënë që ata të kenë dyshime që këto probleme mund të jenë të qëllimshme.

“Është hera e dytë brenda një muaj ditësh që po raportohet e njëjta skenë, e që na ka shti me supozu dhe me mëndu që këto edhe mund të jenë të qëllimshme. Le të jenë në kompetencë të Prokurorisë të Shtetit, të hetuesve të shtetit, të cilët tashmë po merren me këtë proces”, ka thënë ai.

Ramosaj ka thënë se, në qoftë se analizat mikrobiologjike e nxjerrin ujin të dëmshëm, ai do marrë masa ndëshkuese politike, ligjore e administrative.

- Reklama -

Të fundit

Lajme të tjera