Një 41-vjeçare e ka denoncuar në Polici bashkëshortin esaj 52-vjeçar, për dhunën që ka ushtruar ndaj saj, duke e keqtrajtuar fizikisht.
Një ngjarje e tillë ka ndodhur në një familje në rrugën “Galip Badivuku” në Vushtrri
Bazuar në dëshminë e saj të dhënë para hetuesve policorë, i dyshuari B.SH., e ka rrahur atë derisa ishin në veturën e tyre. Për motive ende të panjohura, ai po dyshohet se e ka sulmuar viktimën deri kur kanë arritur në shtëpi, duke i thënë se “Pse po i rrotullon sytë bre kurv*”, thonë burime te Sinjalit.
Përballë kësaj situate, viktima ka vendosur të kërkojë ndihmën e Policisë dhe si rezultat i denoncimit, i dyshuari është arrestuar nga njësitet policore, teksa gruaja është dërguar te familja e saj.
I dyshuari është intervistuar në stacion policor në lidhje me veprën për të cilën dyshohet dhe me urdhër të Prokurorit të Shtetit është liruar për t’u hetuar në procedurë të rregullt.
