Policia e Kosovws ka gjobitur me 500 euro një shofer për tejkalim të shpejtësisë dhe i ka marrë patent shoferin për një vit.
Siç njofton Policia ai ka qenë duke vozitur 141 kilometra në orë në zonën ku ishte kufizimi i shpejtësisë 70 kilometra në orë, shkruan “Jepi zë”.
“Në zonën ku kufizimi i shpejtësisë është 70 km/h identifikohet shoferi duke drejtuar mjetin me 141 km/h (gjobitet me 500€, 5 pikë negative dhe 1 vit i ndalohet drejtimi i mjetit me veprim motorik)”, thuhet në njoftim.
“Do të vazhdojmë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor”, thuhet tutje.
