Policia e Kosovës ka realizuar një urdhër kontroll në gjetjen e armëve dhe municionit në Skënderaj.
Me këtë rast janë gjetur dhe sekuestruar një mal me armatim në fshatin Baks të Skënderajt, shkruan “Jepi zë”.
Policia njofton se ndaj të dyshuarit janë iniciuar raste për veprat penale ‘’Shantazh’’ dhe“ Mbajtje në pronësi, kontroll ose posedim të paautorizuar të armëve.
Pas intervistimit, i dyshuari i moshës së mitur është liruar në procedurë ë rregullt.
Njoftimi i plotë:
Policia në Skenderaj sekuestron armë dhe municion
Skenderaj, 02 shkurt 2022
Në kuadër të veprimeve hetimore për zbulimin e veprave penale, hetuesit policor në kuadër të Stacionit Policor në Skenderaj, mbi dyshimin e bazuar për “Armëmbajtje pa leje”, sot më datë 02 shkurt 2022, kanë realizuar urdhër kontrollin që ka rezultuar me gjetjen e armëve dhe municionit.
Urdhër kontrolli është realizuar në një shtëpi dhe objekte përcjellëse në fshatin Baks të Skenderajt, me ç’ rast janë gjetur dhe janë sekuestruar armë dhe municion :
– Një (1) pushkë automatike AK-47
– Dy (2) karikator të pushkës automatike AK-47
– Dy (2) pushkë ajrore
– Tri (3) armë të shkurta Pistoleta
– Dy (2) maska
– Dy (2) palë pranga
– Një (1) shufër metalike
– Një (1) boks hekuri dhe
– Tridhjetë e nëntë (39) fishek të armës AK-47
Armët dhe municioni i sekuestruar do të procedohen si dëshmi në rrjedhën e mëtejme hetimore. Ndaj të dyshuarit janë iniciuar raste për veprat penale ‘’Shantazh’’ dhe“ Mbajtje në pronësi, kontroll ose posedim të paautorizuar të armëve”.
Ndërsa pas intervistimit, i dyshuari i moshës së mitur është liruar në procedurë ë rregullt.
