Policia e Kosovës ka përfunduar pjesën e parë të tenderit për furnizimin me radarë dore, radarë mobilë dhe pajisje elektronike mobile për kontrollim dhe identifikim të kundërvajtjeve në trafik.
Deri tash janë blerë 40 radarë dore çmimi i të cilëve ishte 780.000 euro si kontratë kornizë për tre vjet, shkruan “Jepi zë”.
Tenderi është fituar nga “Fitim R. Bilalli B.I.”, me vlerë të ofruar 449.700 euro.
Performanca e tyre është matja e shpejtësisë së makinave duke filluar nga 1000m dhe shpejtësia maksimale që kapin është 320km/h. Brenda një sekonde një radar do të bëjë tri matje dhe marzha e gabimit është +/- 2 km/h.
Ata janë të pajisur me GPS për caktim të lokacionit, dhe do lidhen me anë të kabllove, me Wi-Fi dhe Bluetooth si dhe me sisteme qendrore.
