Deputetët e Kuvendit të Kosovës përpos pagave të majme që marrin, ata gëzojnë edhe shumë beneficione tjera.
Përfaqësuesit e popullit të cilët deklarojnë se nuk jetojnë në Prishtinë, u paguhen derivatet.
Por, beneficionet e tyre nuk përfundojnë me kaq. Ata si benificione gëzojnë edhe mbushjet telefonike.
Gazeta Blic ka marrë vesh se secili deputet merr nga 30 euro mbushje telefonike në muaj. E, që në total buxhetit të shtetit vetëm për mbushje telefonike, për vetëm një muaj i kushtojnë hiq më pak se 3600 euro.
“Secili deputet i merr nga 30 euro mbushje”, thanë për Gazeta Blic zyrtarë nga Kuvendi i Kosovës.
Ndryshe, publikimi i shpenzimeve të naftës nga deputetët ka nxitur reagime të shumta.