Kandidati i LDK-së për deputet në Kuvendin e Kosovës, Faton Peci, i ftuar në një emision televiziv kishte potencuar disa prej qëllimeve që ka ai.
Me zgjedhjen si deputet dhe me qeverisjen e LDK-së, ai konsideron se rruga do të kryhej për 2 vjet, ndërkohë që ka folur edhe për disa tema të tjera me rëndësi.
Sipas tij, do të bëhej profilizimi dhe riorganizimi i Universiteteve, si p.sh Universiteti i Mitrovicës të profilizohet dhe zgjerohet në drejtimet teknike duke u bazuar në Industrinë e Mitrovicës, me theks të veçantë për minierën Trepça.
Një rëndësi të veçantë Peci tha se do t’ju kushtojë edhe çështjeve ekonomike të mitrovicasve, mirëqënien sociale e poashtu permendi edhe rrezikimin e territorit dhe shkëmbimin e tij, për çka u shpreh kundër.
Peci, ndërkohë, foli edhe për minatorët, të cilët tha se meritojnë t’u kushtohet kujdes dhe të rritet bashkëpunimi me britanikët për të ringjallur gjigantin metalurgjik.