Një raportim nga një qytetar ka tronditur qytetin, pas pamjeve të mjerueshme që u publikuan nga një shtëpi e braktisur.
Atje jeton një grua me fëmijën e saj 5-vjeçar dhe poashtu në pritje të fëmijës tjetër.
Pas këtyre informacioneve, “Jepi zë” ka vizituar shtëpinë tek Liqeni në Mitrovicë, por gruaja në fjalë nuk ka qenë momentalisht aty.
Atje kanë qenë gjësendet dhe rrobat e saj pranë shtëpisë e cila është në gjendje të mjerueshme pa dyer e dritare.
Raportuesi ka treguar më herët për “Jepi zë” se kjo grua i kishte kërkuar shtëpi për strehim diku, por ai i kishte ndihmuar ta rregullojë këtë shtëpi duke vendosur disa blloka dhe jastëk për ta mbrojtur pak nga të ftohitit.
Poashtu ai tregon, se gruaja i ka thënë se përveç fëmijut që ishte i moshës 5-vjeçare, ajo ishte edhe shtatëzënë.
