Anëtari i Bordit të kompanisë rajonale “UNITETI”, Agim Krasniqi, ka zgjedhur të mbajë dy pozita që janë në konflikt të interesit.
Këtë shkelje, Krasniqi e ka bërë pasi që nuk ka dhënë dorëheqje nga pozita e anëtarit të Bordit te Unitetit, pas marrjes së detyrës së asambleistit të LDK-së në Kuvendin Komunal të Vushtrrisë.
Detyrën në Kuvend Komunal e ka marrë pasi kjo pozitë është liruar pas dorëheqjes se Hysni Gergurit nga pozita e asambleistit.
Mirëpo, duket se Komisioni i Aksionerëve të Vushtrrisë në kompaninë “UNITETI”, nuk do të rrijnë duarkryq.
Në një prononcim për “Jepi zë”, kryesuesi i këtij Komisioni ka thënë që do të marrë masa ndaj Agim Krasniqit.
“Do të marrim masa natyrisht për rastin e Agim Krasniqit, se unë Agim Bregaj në histori të njerëzimit nuk e shkeli ligjin”, ka thënë Bregaj për “Jepi zë”.
Ndryshe, sipas ligjit, një asambleist nuk mund të zgjedhet e as të qëndrojë anëtar i Bordit në kompanitë publike, pasi që llogaritet si konflikti interesi për shkak se Komisioni i Aksionareve i Kuvendit Komunal e zgjedh anëtarin e Bordit dhe i bie që ai t’i raportojë vetes.
