Ditë më parë, punëtori i Minierës “Trepça” Burim Hajdini, aderoi në Lëvizjen Vetëvendosje.
E dje, i njëjti u gradua në Trepçë, ku nga pozita e punëtorit u bë drejtor, shkruan “Jepi zë”.
Gazeta ka siguruar vendimin për gradimin e Hajdinit, të nënshkruar nga u.d i kryeshefit Enes Muzaqi.
Hajdini deri tash ishte zyrtar i thjeshtë në Departamentin e Planifikimit dhe Analizës, ndërkohë që nga dje është drejtor i Shitjes dhe Qirasë.
Sidoqoftë, Trepça u përball me një skandal para pak ditësh, ku u vodh sasi e madhe e bakrit.
Ndryshe, kjo kompani, së fundmi ka ndërruar menaxhmentin për shkak të keqmenaxhimit.
