Nxënësit e disa klasëve në shkollën e mesme të mjekësisë në Mitrovicë po ankohen se kanë të ftohët.
Një nxënës i ka thënë “Jepi zë” se janë ankuar tek drejtori i shkollës, por ai nuk i ka marrë parasysh kërkesat e tyre.
Ai thotë se shkolla ka ngrohje pak, dhe nuk po arrin të ngrohen disa klasë mirë, ndërsa ata në shenjë revolte kanë ndezur një zjarr të vogël mbi bankë.
IMG_6771
Sipas tyre, sot ata kanë mbajtur vetëm një orë jashtë, kanë vazhduar edhe një brenda, pastaj kanë ikur nga orët tjera, sepse në klasë ishte ftohët.
“Jam nxanese e shkolles e mjeksis po ankojm per nxemje klasat shum te ftofta, jo te gjitha klasat po vetem disa klasa, drejtorit i shkolles nuk po na bon zgjidhje”, ka shkruar për Jepi zë një nxënës.
Ky nxënës thotë se më herët e kanë pasur klasën pranë zyres së drejtorit, por ai i kishte larguar.
Ndërsa klasa që janë tani përveç që është e ftohët, nuk i ka mirë të izoluara dritaret poashtu edhe nuk mbyllen mirë.