Një person është ndaluar nga Policia në pikën kufitare në Bërnjak, pasi u kap me disa vula të strukturave paralele serbe.
Policia e Kosovës ka konfirmuar se ka marrë në pyetje personin që është prezantuar si drejtor i shkollës në Gojbulë dhe ia ka marrë vulat e strukturave paralele serbe të cilat i ka pasur në një çantë dore.
Për rastin ka reaguar edhe drejtori i zyrës i të ashtuquajturës zyre serbe për Kosovën, Petar Petkoviq.
“Policia e Kosovës mbrëmë ka ndaluar drejtorin e shkollës fillore nga Gojbulë në pikën kufitare në Jarinjë. Arsyeja ishte se ai kishte me vete vulat e kësaj shkolle”.
“Sulmi ndaj shkollave serbe do të ishte fundi i gjithçkaje”, ka thënë Petkoviq
Personi është liruar pas marrjes në pyetje, ndërsa konfirmohet se policia ka konfiskuar vulat.