Gjashtë vite pas zhdukjes së Mirjetës, familja e saj ende nuk ka asnjë informacion për fatin e saj, ndërsa dhimbja dhe pasiguria vazhdojnë të rëndojnë mbi ta. Ajo u zhduk në ditën që kishte planifikuar të kthehej në Gjermani, por për fat të keq, rasti mbetet ende i pazbardhur.
Në një reagim, familjarët e saj kanë shprehur zhgënjimin për mungesën e një veprimi efektiv nga organet e drejtësisë. Ata theksojnë se zvarritja e hetimeve dhe mungesa e rezultateve konkrete reflektojnë një neglizhencë të rëndë institucionale, e cila, sipas tyre, ka dëmtuar besimin e qytetarëve në sistemin e drejtësisë, shkruan Jepi zë
Rasti i Mirjetës mbetet një prej shumë rasteve të pazgjidhura të zhdukjeve në Kosovë, duke lënë familjet e prekura në ankth dhe pa përgjigje.