Edi Pruthi, ish-kandidat për deputet nga radhët e Lëvizjes Vetëvendosje po vazhdon të jetë ende aktiv në politikë.
Ani pse dështoi të zgjedhet deputet, mitrovicasi Pruthi është rehatuar në Kuvendin e Kosovës si staf mbështetës i deputetit Armend Muja, shkruan Jepi Zë.
Ai përmes një postimi në facebook e ka krahasur Armend Mujen me Albin Kurtin.
“Mitrovica ka një Albin”, ka shkruar Pruthi në Facebook, duke vendosur edhe një foto bashkë me Mujen.
Ky postim po konsiderohet si nisje e një lloj fushate për kandidaturën e Armend Mujës për kryetar të Mitrovicës.
Ndryshe, vetë Muja nuk e ka mohuar kandidaturën për kryetar të Mitrovicës nga radhët e VV-së.
