Pak orë me parë Komunës e Skënderajit, ka njoftuar se ka gjobitur një market, që kishte ngritur çmimin e vajit.
Sipas burimeve brenda inspektoratit komunal të Skenderajt, marketi “Viva Fresh Store” është gjobitur me 1 mijë euro, pasi ngriti çmimin e vajit në 3 euro e 49 cent.
Lajmin për gjobitjen e dyqanit e ka konfirmuar edhe Fadil Nura përmes rrjetit social “facebook”.
“Nuk do të lejojmë të shfrytëzohet rasti për përfitim të paligjshëm, siç është rasti i sotëm në një prej qendrave tregtare, ku 1 litër vaj është shitur me çmim prej 3.49 euro, pavarësisht çmimit shumë më të lirë të furnizimit” ka thënë Nura.