Të paktën tre nxënës veç në shkollat e Lipjanit pësuan lëndime, kur tentuan ta bëjnë sfidën e rrjeteve sociale që mbanë emrin e super heroit të të vegjëlve, Supermenit.
Gjersa komuna ngriti alarmin për dy të mitura, të enjten u shtua edhe një rast në shkollën e një prej fshatrave.
Përveç kësaj sfide kur nxënësit në grup presin në duar bashkëmoshatarët e hedhin lartë, në qarkullim është edhe një tjetër ende me më rrezik, e cila quhet Reblox.https://www.youtube.com/embed/mZgxUbvvYFs.
Me rastet po merret komuna, anise thonë se pak gjë kanë në dorë, derisa prindërit thonë se kujdestarët në shkolla duhet të kujdesen për nxënësit.
Ndërkaq, kërkesa e të gjitha palëve është që të shtohet vëmendja e prindërve për të ndikuar në vetëdijesimin e fëmijëve për të mos rënë pre e ndikimit të rrjeteve sociale, për çka në shkolla edhe janë ndaluar telefonat.
