Kryetari Degës së LDK-së në Mitrovicë, Safet Kamberi, ka mbajtur mbledhjen e radhës me anëtarët e Kryesisë së Degës dhe kryetarët e nëndegëve të LDK-së në Komunën e Mitrovicës, në të cilën është folur për aktivitetet e deritashme të nëndegëve dhe strukturave të LDK-së lidhur me përgatitjet për zgjedhjet për Kuvendin e Kosovës që do të mbahen më 06 tetor të këtij viti.
Fillimisht kryetari Kamberi tha se ka një interesim të jashtëzakonshëm të anëtarësisë së LDK-së për këto zgjedhje, pasi që LDK-ja si asnjëherë deri tash pas vdekje së kryetarit historik Dr Ibrahim Rugova ka arritu të ketë një unitet të plotë dhe të ketë një kandidat për kryeministër të Kosovës, të cilin e ka kërkuar vet anëtarësia e LDK-së.
Kryetari Kamberi, kërkoi nga kryetarët e nëndegëve dhe anëtarët e Kryesisë, që akoma të shtojnë mobilizimin dhe përkushtimin e tyre për angazhim dhe punë me anëtarësinë e LDK-së në Mitrovicë.
Në takim ishin edhe kandidatët për deputetë nga kjo parti, Kujtim Prekazi, Flutura Beka dhe Fahri Uka.