Posedimi dhe përdorimi i armëve ilegale po vazhdon të paraqesë një shqetësim të madh për sigurinë publike, me incidente të shumta që ndodhin në zona të ndryshme të vendit.
Një rast i tillë ka ndodhur së fundmi në Jug të Mitrovicës.
Policia ka arritur të identifikojë një person i cili kishte gjuajtur me armë zjarri, madje në prani të zyrtarëve policorë. Sipas burimeve, i dyshuari, Ramadan Fejzullahi, është arrestuar dhe shoqëruar në stacion policor për intervistim
Gjatë kontrollit, tek i dyshuari është sekuestruar një pistoletë me karikator dhe pesë fishekë.
Pas përfundimit të procedurave policore, Prokurori i Shtetit ka urdhëruar inicimin e rastit ndaj të dyshuarit për dy vepra penale: “Përdorim i armës” dhe “Armëmbajtje pa leje”. I dyshuari është dërguar në mbajtje.
Autoritetet po vazhdojnë hetimet për të siguruar që rastet e tilla të marrin trajtimin e duhur ligjor.
