Në muajin janar Mitrovica dhe gjithë Kosova u trondit nga vdekja e Nazlije Sherifiti. Ajo priste t’i bëhet transplant i veshkës.
Një djalosh i ardhur nga Zvicra por nga qyteti i Deçanit kishte shprehur dëshiren të ia dhurojë veshkë e vet. Valmir Aliçkaj tashmë kishte filluar edhe procedurat për kontrollimet mjekësore.
Poashtu në këtë aksion ishte i përfshirë edhe humanisti mitrovicas Lindrit Misini, i cili për një afat rekord kishte mbledhur sasi të madhe të parave, për ndihmë Nazlijes, 19 vjeçare.
Misini ka ndihmuar edhe shumë raste tjera, e poashtu njihet edhe kontribues i madh në sportin mitrovicas.
Për këto vepra të mëdha të këtyre dy figurave të respektuara, Komuna e Mitrovicës do t’i nderojë me tituj të qytetit.
Valmir Aliçkaj do shpallet “Qytetar Nderi” i Mitrovicës e Lindrit Misini “Nderi i Qytetit”, ky propozim erdhi nga asambleisti Remzi Rrahmani, ndërsa votimi do të bëhet në seancën e ardhshme.
