Kuvendi i Komunës së Mitrovicës do të mbajë mbledhje ditën e enjte, që në fakt është një seancë e vecantë.
Kjo mbledhje është e fundit kur Kuvendi Komunal ka të drejtë të marrë vendime që lidhen me këmbime të tokave dhe investimet kapitale, pasi në 6 muajt e fundit para zgjedhjeve lokale, kjo gjë është e ndaluar me ligj, shkruan “Jepi zë”.
E në këtë mbledhje, po synohet të kryhen disa punë me toka. Para kuvendarëve do jetë edhe pika për këmbimin e pronës së Komunës me pronën e “Arsi Company” në rrugën “Ali Zeneli” në Mitrovicë.
Kompania “Arsi” do ta lirojë pronën e tij, por do të marrë tokë tek pjesa që njihet nga qytetarë si ish-shkolla e Muzikës. Me këtë rast, ky pronar do të futet në këtë parcelë me qëllim që, sic edhe dihet nga veprimtaria, të fillojë ndërtimin e ndonjë banese më vonë.
Duhet theksuar se këmbimi i pronave është shpeshtuar kohën e fundit, ku Komuna ka ndërruar disa prona pa iu dashur fare asaj, por duke iu bërë favore ndërtuesve.
Sidoqoftë, “Jepi zë” do të hulumtojë lidhjet e kompanisë në fjalë dhe do të monitorojë këto seanca të randësishme./jepize.com
