Kryeministri i Kosovës, Albin Kurti, ka folur sot edhe për një nga temat që u raportua më së shumti nga qytetarët, që është rreziku nga qentë endacakë.
Ai edhe në këtë rast e ka përmendur si argument se gjërat janë lënë keq në të kaluarën, duke thënë se kjo çështje është neglizhuar, shkruan “Jepi zë”.
Kurti ka thënë se Qeveria e tij do ta trajtojë këtë problem nga rrënjët, për të ofruar një zgjidhje të qëndrueshme.
“Prania e qenve endacakë është kthyer në problem të sigurisë së qytetarëve. Fatkeqësisht, në të kaluarën kjo çështje është neglizhuar. Ne duhet ta trajtojmë këtë problem nga rrënjët e tij për të ofruar zgjidhje të qëndrushme dhe efektive”, ka thënë kryeministri Kurti.
Kujtojmë që kryeministri Kurti e ka lënë fajin tek Qeveritë e kaluara edhe për shtrenjtimin e rrymës dhe për tema të tjera, duke potencuar se ata ishin përgjegjës për një “qeverisje të keqe”.