Për votimin në Kuvendin e Kosovës që i hap rrugë pagesës së 11 milionë eurove për rrymën e shpenzuar të serbëve të veriut të vendit ka reaguar deputetja e Kuvendit të Kosovës, Rrezarta Krasniqi.
Krasniqi përmes një fotografie ku shihen deputetë të VV-së duke ngritur dorën për votimin në Kuvend, ka shkruar se sot janë bërë bashkë LVV dhe Lista Serbe për t’ua paguar 11 milionë euro rrymë serbëve të veriut.
“Kjo fotografi e shpërfaq më së miri fytyrën e vërtetë të Lëvizjes Vetëvendosje dhe Kryeministrit Kurti. ” ka shkruar Krasniqi.
“Sot u bënë bashkë me Listën Serbe për t’i ndarë 11 milionë euro për t’ua paguar rrymën e serbve në veri të vendit. Pensionistëve ua zvogëluan pensionet, derisa serbve po ua paguajnë rrymën. ” ka shkruar në fund Krasniqi.