Konfirmohet raportimi i “Jepi zë”: Nipi i kolonelit Ahmet Krasniqi, kalon në PDK

Publikuar më:

Sot gjatë ditës “Jepi zë” raportoi se nipi i kolonelit Ahmeti Krasniqi, Aziz Krasniqi, do të kalojë në partinë e Kadri Veselit.


E kjo gjë u konfirmua sonte, me një takim që u mbajt në orët e mbrëmjes në fshatin Zhilivodë të Vushtrrisë.

Ka qenë Hisen Berisha ai që ka konfirmuar kalimin e Krasniqit, për të cilin u tha se shërbeu si urë lidhëse në mes të PDK-së dhe familjes Krasniqi, me të cilët ka lidhje.

Ndërkohë, këtë ngjarje e ka komentuar ish-komandanti i Koshares, duke thurur fjalë të mëdha për familjen Krasniqi dhe për planin për të ardhmën.

“Historikisht dajt’ e Krasniqes janë ken’ në krye të rreshtit të shqiptarëve për të mbrojtur Kushtetutën e Republikës së Kosovës. Si gjithmonë në historinë tonë të lavdishme, edhe sot e në histori këtij rreshti, do t’i prijnë familjet emblemë që me gjakun e tyre i shkruan shkronjat e fjalës Liri! Burrnia që po tregoni Ju ka me u vlersue naltë nga historia. Ua paçim borgj e dalshim faqebardhë!”, ka thënë Berisha.

Sidoqoftë, edhe kalimi i komandantit Berisha në partinë e Kadri Veselit u komentua shumë, sidomos pasi ai kritikoi ashpër LDK-në, të cilës i kishte takuar heroi Ahmet Krasniqi./Jepizë.com

JU REKOMANDOJMË