Së fundmi komisioni i aksionerëve në kompaninë rajonale UNITETI ka zhvilluar disa takime. Këto takime nuk dihen nëse janë të rregullta dhe të parapara me plan, apo po priten ndryshime në menaxhmentin e UNITET-it, shkruan “Jepi zë”
Takimet e shpeshta janë kuptuar si lëvizje për ndryshime, pas punësimeve të fundit të dy zyrtarëve nga Skënderaj në pozita të larta të kësaj kompanie.
Gazeta “Jepi zë” ka pyetur kryesuesin e Komisionit, Hamdi Hasanin, i cili ka konfirmuar se temë diskutimi ka qenë punësimi i dy zyrtarëve nga Skënderaj në pozitat kyçe të kompanisë.
“Po kemi diskutuar edhe për punësimet e jashtëligjshme që kanë ndodhur dhe si komision do t’i dtejtohemi inspektoratit të punës dhe organeve kompetente, sepse mendojmë se aty kemi shkelje të ligjit për ndërmarrje publike, keqpërdorim i detyrës zyrtare dhe tejkalim i përgjegjësive nga kryeshefi i ndërmarrjes si anëtar i pestë i bordit i cili nuk ka të drejtë vote në përzgjedhjen e pozitave të larta, si dhe nga anëtarët e bordit të cilët vinë nga Skenderaj dhe Vushtrria të cilet kanë përfunduar rekrutimin pa anëtarët e bordit nga Mitrovica”, ka thënë Hasani.
Hasani ka thënë madje se anëtarët e bordit nga Vushtrria e Skënderaj po e shkelin ligjin pasi, sipas tij, nuk kanë të drejtë të jenë në bord meqë janë të punësuar në komunat përkatëse.
“Edhe ashtu ata(anëtarët e bordit nga Vushtrria e Skënderaj) janë anëtarë bordi jashtligjshëm, sepse që të dy janë të punësuar në komunat përkatëse dhe nuk kanë të drejët të jenë anëtarë bordi. Ka një muaj qê i kam derguar email Agjensionit Antikorrupsion”, ka shtuar ai.
Kuptohet se, poashtu, ankesat e vazhdueshme të qytetarëve për papastërtinë dhe problemet tjera kanë qenë tema në komisionin e aksionerëve që përbehet nga Hamdi Hasani kryesues, Flutura Kamberaj dhe Valon Brahimi si anëtarë.