Rreth 70 pajisje për prodhim të kriptovalutave janë konfiskuar gjatë ditës së sotme nga Policia e Kosovës.
Siç mësohet, pajisjet u kapën në fshatin Kçiq dhe të njëjtat nuk kishin dokumente.
Për rastin është njoftuar edhe Dogana e Kosovës.
Zëdhënësi i Doganës, Adriatik Stavileci, e ka konfirmuar për KALLXO.com rastin.
“Mund të ju konfirmoj se rreth 70 pajisje për prodhim të kriptovalutave digjitale janë sjellë në Doganën e Kosovës. Këto pajisje janë konfiskuar nga një aksion nga Policia e Kosovës gjatë ditës së sotme e më pas jemi njoftuar edhe ne si Doganë”, ka thënë Stavileci.