Drejtori i Planifikimit dhe Urbanizmit, Besnik Beka, ka deklaruar se ka në pronësi një shtëpi e një veturë.
Sipas deklarimit që ka bërë në Agjencinë Kundër Korrupsionit, Besnik Beka ka shtëpi në vlerë 110 mijë euro, që thotë se është e prindërve, shkruan “Jepi zë”.
Po ashtu, drejtori Beka thotë se ka në pronësi një veturë që kushton 36 mijë euro. Ai nuk ka deklaruar llojin e veturës.
Mirëpo, çka bie në sy, është se drejtori Beka thotë se në bankë ka vetëm 500 euro, në Bankën Ekonomike.
Ndryshe, të ardhurat e vetme të deklaruara të Besnik Bekës, është rroga e drejtorit prej 620 eurosh.
