Vajza që është goditur nga treni në mesditën e sotme në Klinë ka vdekur.
Vdekjen e viktimës e kanë konfirmuar nga Prokuroria Themelore e Pejës.
Shkodran Nikçi, zëdhënës i Prokurorisë së Pejës, ka thënë se viktima ka ndërruar jetë si pasojë e goditjes nga treni.
Identiteti i viktimës nuk është bërë i ditur. Reporteri.net mëson se trupi i viktimës është ende në rrugë, aty ku e ka shkelur treni.
Zëdhënësi i Policisë rajonale të Pejës, Driton Rugova ka konfirmuar se vajza e mitur është goditur nga treni rreth orës 12:45 në Klinë, por ka deklaruar se nuk ka dhënë detaje të tjera.
Ndërsa janë publikuar pamje nga vendi i aksidentit.
