Ish-ushtruesi i detyrës së kryeshefit të ndërmarrjes Trepça, Enes Muzaqi, po vlerësohet për punën që bëri gjatë mandatit të tij.
Denocimi që bëri për dallaveret me peshoren dhe llogaridhënia, ka bërë që Muzaqi të vlerësohet nga përfaqësuesit e Qeverisë.
Sipas burimeve të Jepi zë, ai ka marrë ofertë të bëhet pjesë e Qeverisë Kurti, si zëvendësministër.
Sidoqoftë, Muzaqi kishte ofruar dorëheqje nga pozita e kryeshefit me arsyetimin se ka probleme shëndetesore dhe për arsye familjare, por burimet e “Jepi zë” marrin vesh se ai nuk kishte pranuar të nënshtrohet.
Ndryshe, ish-kryeshefi Muzaqi mbahet mend për veprimin e tij të parë, heqjen dorë nga shtesat për Çetën e Minatorëve dhe rritjen e prodhimit, përkundër mungesës së mjeteve financiare.