Hysni Ahmeti e ka pasur ditën e fundit në krye të Drejtorisë së Inspektoratit, pasi kryetari Agim Bahtiri e ka larguar nga kjo pozitë.
Shef i ri në Inspektorat do të jetë deri tash shefi i asamblistëve të VV-së, Fidan Ademi, vendimi për emërimin e të cilit u nënshkrua sot, shkruan Jepi zë.
Gazeta ka mësuar nga burime brenda kabinetit të kryetarit, se Hysni Ahmeti që nga nesër do të jetë drejtor i Ambientit dhe Fidan Ademi do të nis punë në një prej drejtorive më të rëndësishme.
Ndërkohë, “Jepi zë” mëson se nesër do të zhvillohet një takim i zyrtarëve të lartë të partisë, ku do të vendoset për shkarkimin e dy drejtorëve të tjerë dhe emërimin e dy të rinjve.
Ndryshe, drejtoria e Inspektoratit ka një punë kyçe në këtë kohë, pasi është pjesë e monitorimit të respektimit të masave kundër COVID-19./Jepi zë