Qindra mitrovicas kanë kërkuar vetëm sot mjekim në QKMF dhe QMF-të e qytetit.
Siç edhe shihet, dhjetëra persona po presin në radhe edhe në këtë kohë, shkruan “Jepi zë”.
Disa pacientë i kanë thënë gazetës se po u duhet të presin deri në një orë për t’u kontrolluar te mjeku.
Sipas tyre, të gjithë pacientët kanë simptoma të ngjashme dhe thonë se vuajnë nga gripi.
Deri tani nuk ka statistika rreth gripit sezonal, mirëpo vërehet rritja e numrit të pacientëve.
Duhet theksuar se pacientët që dalin të infektuar me Covid, janë të paktë në numër, pasi sot kanë rezultuar vetëm 8 raste pozitive.