Me 69 vota për, Glauk Konjufca është zgjedhur kryetar i Kuvendit të Kosovës, në seancën konstituive të legjislaturës së tetë.
Kundër zgjedhjes së Konjufcës në krye të Kuvendit, kanë votuar 33 deputetë, gjersa nuk ka pasur asnjë abstenim.
Para zgjedhjes në krye të Kuvendit, Konjufca ka thënë se nuk është i emocionuar që po rikthehet në këtë pozitë.
Gjatë ditës së sotme, përpos konsituimit të Kuvendit, pritet të votohet edhe Qeveria Kurti 2.