Disa lagje të qytetit të Mitrovicës kanë mbetur pa energji elektrike që nga ora 13:30.
Qytetarët raportojnë se disa pjesë të qytetit kanë mbetur pa energji, duke përfshirë edhe institucionet publike, shkruan “Jepi zë”
Vlen të theksohet se mungesa e energjisë nuk është paralajmëruar të ndodhë, dhe nuk dihet nëse ka ndonjë prishje.
Institucionet dhe objekte e tjera kanë aktivizuar gjeneratorët në mungesë të rrymës, ndërkohë që KEDS nuk ka bërë akoma ndonjë sqarim.
Sidoqoftë, edhe ditë më parë një pjesë e madhe e qytetit mbeti gjithë ditën pa drita për shkak të disa punimeve që kryheshin nga KEDS.
