Pasi që nuk mundën ta takojnë në varrimin e babait e tyre, vëllezërit e Hashim Thaçit, Ganiu, Nazmiu dhe Blerimi, e gjetën mundësinë ta takojnë dhe ngushëllojnë ish-presidentin në Prishtinë, në selinë e EULEX-it.
Ata qëndruan rreth një orë me të.
Pas vizitës, vëllezërit e Thaçit pranuan se nuk mund të zbulojnë detaje nga biseda me të.
Sipas burimeve të Klanit, ata gjatë vizitës u pyetën nëse ishin organizatorë të mbledhjes së qytetarëve para selisë së EULEX-it.
Nëse do të vërtetohej kjo, vizita e gruas së Hashim Thaçit, e cila mbërriti rreth orës 10, do të ishte ndaluar, por ajo u lejua të hynte dhe të dilte nga selia me veturë.