Një zyrtar i Policisë së Kosovës, është zënë gjatë orarit të punës në një motel në qytetin e Prizrenit.
Është marrë vesh se polici në fjalë është nga qyteti i Prizrenit, i cili pasi është kapur nga Inspektorati Policor duke kryer marrëdhënie seksuale në motel, është suspenduar.
Se polici në fjalë është kapur në motel dhe më pas suspenduar e ka konfirmuar për Reporteri.net edhe Inspektorati Policor i Kosovës.
“Bazuar në kërkesën tuaj si në vijim do të gjeni përgjigjen nga Inspektorati Policor i Kosovës: Inspektorati Policor i Kosovës është njoftuar mbrëmë në orët e pasdites nga Policia e Kosovës lidhur me këtë rast. Me të pranuar informacionin hetuesit e IPK-së kanë kontaktuar edhe me prokurorin kujdestar dhe në mungesë të elementeve të veprës penale rasti do të trajtohet nga Policia e Kosovës me dyshimin për shkelje disiplinore që bien ndesh me Kodin e Etikës të Policisë së Kosovës dhe udhëzimin administrativ për disiplinë”, thotë IPK.
Më tej IPK thotë se lidhur me rastin e njëjtë, si pjesë e procedurave administrative dhe hetimore, zyrtari policor është suspenduar nga Drejtori Rajonal i Policisë së Kosovës për rajonin e Prizrenit.