Drejtoresha e Arsimit në Komunën e Mitrovicës del të ketë pasuri të konsiderushme.
Drita Kadriu në deklarimin publik të pasurisë në Agjencinë Kundër Korrupsionit, ka deklaruar se posedon dy shtëpi, banesë, arë dhe veturë, shkruan Jepi zë.
Ajo në deklarim ka paraqitur edhe para të gatshme në dy banka të Kosovës, diku afër 28 mijë euro.
Në deklarim, ajo i ka vënë banesës prej 54m2 vlerën 35 mijë euro, dy shtëpive 110mijë euro, arës 100 mijë euro dhe veturës 10 mijë euro, shkruan Jepi zë.
Drejtoresha Kadriu në deklarimin e pasurisë ka treguar se përveç pagës si drejtoreshë në Komunën e Mitrovicës, ajo merr pagë edhe në Universitetin “Fehmi Agani” në Gjakovë./ Jepi zë
