Hyseni Ahmeti, që deri tash ishte drejtor i Inspektoratit e së fundmi kaloi në Mjedis, ka deklaruar pasurinë në Agjencinë Anti-Korrupsion.
Sipas dokumenteve që ka deklaruar ai, në pronësi ka një shtëpi e një tokë të trashëguar, që të dyja kapin vlerën e 50 mijë eurove, shkruan Jepi zë.
Po ashtu, drejtori Ahmeti ka thënë se ka në pronësi një Golf 4, që ka vlerë 3100 euro.
Ndërkohë, ai nuk ka deklaruar se ka asnjë para në bankë e as ndonjë kredi.
Sipas dokumentit, Hyseni Ahmeti merr dy pensione, një të veteranit të UÇK-së dhe një të TMK-së, si dhe rrogën e drejtorit në Komunë.