Komisioni për të drejtat e njeriut, barazi gjinore, për persona të pagjetur dhe peticione, më 8 shtator kishte kërkuar nga zëvendëskryeministri, Driton Selmanaj, që të raportonte në Kuvend, lidhur me çështjen e të të pagjeturve.
Mirëpo, ai kishte refuzuar ta bënte një gjë të tillë, duke e quajtur si “temë të konsumuar dhe ezauruar”.
Deputetja Duda Balje dokumentet, kërkesën dhe përgjigjen, nga Komisioni dhe zyra e zv.kryeministrit. “Unë asnjëherë të vetëm në jetën time nuk kam thënë se tema e të të pagjeturve është e ezauruar”, ishte deklarata që dha në seancë Selmanaj.
Në dokument, theksohet se Komisioni parlamentar ka kërkuar nga Qeveria e Kosovës që të këmbëngulë në drejtësinë për çështjen e të të pagjeturve pa lejuar kushtëzime të ndryshme nga Beogradi zyrtar.
“Çështja e të të pagjeturve, do të duhej të ishte prioriteti themelor i institucioneve si kërkesë e padiskutueshme dhe e pakushtëzuar. Serbia ka ndjekur politika shtetërore gjenocidale. Shteti i Serbisë i ka të gjitha informacionet për varrezat masive dhe për fatin e të të pagjeturve. Refuzimi për të zbardhur këtë çështje dhe për të kthyer trupat është vazhdim i lojës me vuajtjet e familjeve që kërkojnë trupat e të dashurve të tyre”, thuhet në kërkesën drejtuar zyrës së zv.kryeministrit.
Ndërsa, përgjigjja e tyre, lidhur me këtë kërkesë nuk mori dritën jeshile nga zyra e Driton Selmanajt.
“Raportimi pranë Komisionit lidhur me çështjen e personave të pagjetur, në kuadër të dialogut me Serbinë, konsiderojmë se kjo çështje është konsumuar rrjedhimisht dhe ezauruar në raportimin e kryeministrit në seancën e Kuvendit të mbajtur, më 24 korrik 2020.
Kryeministri, duke ushtruar detyrat dhe përgjegjësitë e tij kushtetuese dhe në përputhje të plotë me parimet e transparencës e llogaridhënies, ka prezantuar në detaje rrjedhën e procesit të dialogut Kosovë – Serbi. Lidhur me këtë raportim, siç jeni dhe në dijeni, është zhvilluar debat disaorësh në Kuvendin e Republikës së Kosovës. Konsiderojmë që diskutimi i një çështjeje të tillë është konsumuar paraprakisht dhe se nuk është oportune që për të njëjtën temë të raportohet përsëri”, sqarohet në përgjigjen e zyrtares Elda Brada, asistente e lartë ekzekutive e zëvendëskryeministrit.