Heqja e homologimit për vetuar është iniciuar nga grupi parlamentar i Vetëvendosjes, ndërsa që në këtë seancë është përkrahë edhe nga deputetja Donika Kadaj -Bujupi dhe kryetarja Vjosa Osmani.
Votën pro, Kadaj Bujupi e ka konfirmuar për media. Përveç saj dhe Vetëvendosjes për heqjen e homologimit ka votuar edhe kryetarja e Kuvendit Vjosa Osmani dhe Bekë Berisha po ashtu nga AAK-ja.
Deputetët e Kuvendit të Kosovës nuk kanë votuar pro Projektligjit që ndryshon rregullimin me ligj të importit të veturave, në mënyrë që të hiqej pjesa e homologimi.
Njëzetetetë deputetë kanë votuar pro, ndërsa 13 deputetë kundër. Kësisoj ky projektligj do të përsëritet në seancën e radhës.
Sipas propozuesit Hekuran Murati, me këtë ndryshim të ligjit do t’i hiqej monopoli biznesmenit Blerim Devolli.
Homologimi i veturave është konsideruar si i panevojshëm edhe nga Bashkimi Evropian.
Për këtë shërbim, në Kosovë ka leje vetëm kompania QAK – Eurolab, e cila është në pronësi të Devollit.