Policia e Kosovës ka arrestuar sonte kryetarin e Partisë Socialdemokrate, Dardan Molliqaj.
Jepi zë ka mësuar nga burime të sigurta se Molliqaj është ndaluar për 48 orë.
Ndryshe Molliqaj është arrestuar pas veprimin të tij në protestën e së shtunës ku e kishte goditur me shuplakë një zyrtar policor.
Ndryshe, Policia e Kosovës ka lëshuar një njoftim pas arrestimit të kreut të PSD-së, Dardan Molliqajt. Policia në njoftimin tha se pos Molliqajt, është arrestuar edhe aktivisti tjetër i PSD-së, Adem Mexhuanin.
Në njoftimin e lëshuar nga Policia e Kosovës, thuhet se policia e kërkoi në banesë dhe i la ftesë për t’u lajmëruar.
Sipas njoftimit, të dy personat janë përfshirë në sulm ndaj një zyrtari policor ditën e protestës që organizoi PSD-ja kundër rritjes së çmimit të rrymës.