Disa rrugë lokale në fshatin Bajgorë janë bërë të pakalueshme pas reshjeve të borës.
Qytetarët kanë adresuar shqetësimin e tyre në “Jepi zë”, ku thanë se rruga është e pakalueshme.
Nga pamjet shihet se gjendja e rrugëve është jo e mirë dhe veturat nuk po mund të qarkullojnë për shkak të borës.
Një qytetar nga lagjeja Ibishi në Bajgorë të Mitrovicës i ka thënë Jepi zë, se janë 10 familje që kanë mbetur të bllokuara, ndër ta ka pleq dhe fëmijë.
Ndryshe, shumë rrugë në rajonin e Shalës së Bajgorës, ditë më parë ishin bllokuar për qarkullim pas reshjeve të shumta të borës.