Banorët e Kçiqit në frikë nga hajnat: Kërkojnë nën-stacion policor në fshat dhe ndriçim në rrugë

Përvojat e pakëndshme tashmë dyvjeçare të Kçiqasve me vjedhjet që po u bëhen, kanë bërë të domosdoshme që ata të adresojnë disa kërkesa si vendosjen e një nën-stacioni në fshat dhe ndriçim publik.

Për të njëjtën arsye ata tash e disa ditë janë duke kujdestaruar nëpër lagjet e tyre së bashku me policinë.

Përndryshe, ditë më parë në Kuvendin Komunal u votua projekti sipas të cilit Kçiqi i Madh bëhet me ndriçim publik, ndërsa qytetarët e kësaj pjese po kërkojnë implementim sa më të shpejtë të tij.

Kjo është shkresa e banorëve të Kçiqit që kanë adresuar në “Jepi zë”:

Këto nuk janë rastet e para të vjedhjeve të organizuara në fshatin Kçiq i Madh. Një vit më parë pothuajse në përjudhen e njejtë kohore, pra në fundvit kishim disa raste të vjedhjeve të organizuara nëpër shtëpitë e banorëve të fshatit.

Këshilli i fshatit në bashkëpunim me banorët, kishin denoncuar rastet e dhënë informacionet e poseduara në Policinë e Kosovës. Kishte të dyshuar, persona që janë marrë në pytje por jo të dënuar. Poashtu, para një viti personalisht kam dorëzuar kërkesën e kahmotshme të banorve edhe në Komunën e Mitrovicës edhe në Policinë e Republikës së Kosovës, për një ‘Nën-stacion’ të Policisë në fshatin më të madh të Mitrovicës, pra në Kçiq.

Nga Kçiqi e deri në Mitrovicë ka shumë fshatra të cilat nuk mund të kontrollohen nga stacioni i jugut në Mitrovicë, duke parë që operativisht është hapsirë e madhe e kështu policia nuk mund të arrijë të jetë më efektive.

Banorët janë në ankth dhe kjo duhet marrë seriozisht.

Rastet e fundit ishin mjaftë mirë të organizuara. Vjedhësit vepronin të armatosur në raste të ndryshme. Ka disa ditë që banorët po bëjnë roje nëpër rrugë, e të tjerët rrijnë të shqetsuar në shtëpi. Kjo situatë nuk mundet dhe nuk do të zgjasë shumë. Prandaj edhe këtë vit kemi kërkesën e njejtë; Një Nën-Stacion të Policisë në Kçiq të Madh do ndihmonte shumë.

Ditë më parë në Kuvendin Komunal të Mitrovicës, më në fund u votua projekti për ndriqimin publik në fshatit Kçiq i Madh.

Ky projekt duhet të nisë të implementohet urgjentisht edhe si masë parandaluese karshi rasteve të vjedhjeve të organizuara në fshat.

Banorët e Kçiqit në frikë nga hajnat: Kërkojnë nën-stacion policor në fshat dhe ndriçim në rrugë

JU REKOMANDOJMË

Veteranët e UÇK-së i shkruajnë letër Grenellit për Gjykatën Speciale

OVL-UÇK i drejtohet Grenell-it: Specialja është kthyer në një armë politike, kërkojmë auditim financiar dhe një hetim të pavarur

Sulmoi fizikisht babanë e tij, arrestohet një person në Mitrovicë

Mitrovicasi ankohet se u mashtrua nga Qeveria: “Bleva klimë sipas ministrisë, por nuk më subvencionuan – vetëm më ngritën çmimin e rrymës”

Një shqiptar nga Mali i Zi i shpëton jetën një të aksidentuari rëndë në rrugën e Kombit

E rëndë: Vdes një kosovare 19 vjeçe në aksident

Ish-ushtari i UÇK-së i reagon ashpër Nexhmedin Spahiut: Po të isha në organet e sigurisë, do ta priste i njëjti fat në hyrje të...

Vjosa Osmani takohet me Erdoganin, e quan “mik të palëkundur” të Kosovës

Në Maqedoni fillon ndërtimi i fabrikës nga Turqia që do punësojë mbi 200 persona