Banka Ekonomike e Kosovës kishte pasur tre bankomatë në qytetin e Mitrovicës, por kohë më parë e largoi njërin për të mbetur vetëm dy.
Një ka qenë i vendosur në një pjesë të qytetit dhe tjetri ngjitur me lokalin ku ndodhet selia e bankës, por që të dy janë jashtë funksionit, shkruan “Jepi zë”.
Gazeta ka konfirmuar se që të dy bankomatët nuk funksionojnë, madje një prej tyre ka javë që është me defekt. E kjo po ju kushton klientëve të kësaj banke.
Një klient i Bankës Ekonomike edhe ankuar sot në “Jepi zë”, duke thënë se kjo bankë po detyron klientët që të futen brenda për të tërhequr para me c’rast tërheqja kushton 2 euro provision.
Madje, ai thotë se ka kontaktuar me qendrën e thirrjeve të bankës dhe ju ka treguar për problemin, por sipas tij, ata vetëm janë justifikuar dhe problemi nuk është rregulluar.
“BEK qdo here e me shume po i veshtireson punet klienteve nje bankomat qe ka qene afer stacionit te autobuseve tani nuk eshte nje tjeter te tegeriqi jasht funksionit qe nje muaj i vetmi bankomat qe punon ai afer bankes. Dje punetoreve ju kan dal rrogat pas festave dhe vikendit dhe kur u aftova te bankomati diku 12 persona ne rradh para meje dhe asnjeri nuk mindem te sherbehemi nga bankomati sepse edhe ai defekt. E thirra qendren e BEK u munduan mu arsyetu por asgje edhe pse muaji Ramazan BEK te len pa pare. A nese hyme ne banke me marr rrogen aty provisioni eshte 2 €. Dmth kjo eshte plaqke e qytetarit“, ka thënë qytetari H.A për „Jepi zë“.
Sidoqoftë, qytetari ka kërkuar përgjegjësi nga menaxhmenti i kompanisë pasi, sipas tyre, nuk mund të paguajnë 2 euro për cdo tërheqje.
