Një autobus nga Kosova është aksidentuar në afërsi të Krushevacit në Serbi.
Në një fotografi të publikuar në media shihet autobusi i një kompanie turistike kosovare që ka dalë nga rruga dhe është rrokullisur.
Sipas dëshmitarëve të ngjarjes nuk ka viktima por vetëm të lënduar.
Mediat serbe raportojnë se ky është autobus që qarkullon në linjën Prishtinë – Graz.
Të lënduarit po transportohen në spitalin e Krushevcit.
Mësohet se shkaktari i aksidentit ka qenë kushtet e vështira të rrugës.
Autobusi ishte duke shkuar në drejtim të Sllovenisë nga Kosova.
“Jepi zë” kishte raportuar ditë më parë sesi i njëjti autobus kishte tejkaluar me shpejtësi sapo kishte kaluar kufirin në Merdare.
