Hetuesit policorë në Vushtrri, kanë identifikuar dhe kanë arrestuar dje një person të dyshuar për veprën penale “Vjedhje”.
Arrestimi i të dyshuarit L. A., 25 vjeçar, është bërë mbi bazën e dyshimeve dhe provave të siguruara se i njëjti me datën 24 maj ka vjedhur një kosë për kositje të barit, shkruan “Jepi zë”
Rastin e ka konfirmuar për “Jepi zë”, zëdhënësi Avni Zahiti.
Policia thontë se në cilësi të provave materiale tek i dyshuari është gjetur kosa e vjedhur, ku pas procedurave të nevojshme verifikuese kosa i është kthyer pronarit.
Të gjitha veprimet e ndërmarra i janë paraqitur prokurorit të rastit, ku pas intervistimit, të dyshuarit i është shqiptuar masa e ndalimit për 48 orë.
