Albin Kurti dhe partia e tij Lëvizja Vetëvendosje kanë shënuar fitore të madhe në zgjedhjet e 14 shkurtit, sipas exit-polleve, të cilat e nxjerrin si partia e parë më 53% të votave të qytetarëve.
Është interesant fakti se Kurti e ka mposhtur kundërkandidatin e tij nga LDK, Avdullah Hoti, edhe në fshatin e tij, në Ratkoc të Rahovecit.
Në votat që ka siguruar Gazeta Online ‘Reporteri.net’ shihet se VV ka fituar në total 460 vota në Ratkoc, kurse LDK 335 vota që renditet e treta pas AAK-së që ka 452 vota.
E katërta në qendrën e votimit në fshatin e kandidatit të LDK’së për Kryeministër është PDK me 149 vota, kurse NISMA ka veç 27 vota.
Kujtojmë se sipas rezultateve të para preliminare të KQZ-së, Lëvizja Vetëvendosje është partia e parë më 44,12 për qind të votave të numëruara, shkruan Reporteri.net.}
Ajo pasohet nga PDK-ja më 18,68%, LDK e treta më 14,13 dhe AAK e katërta më 9,97% të votave të numëruara.