Aksident i rëndë në Rrugën e Kombit, dyshohet për 4 kosovarë të vdekur

Publikuar më:

Një aksident i rëndë ka ndodhur në Rubik të Shqipërisë mbrëmjen e sotme. Dyshohet se në këtë aksident kanë mbetur viktima 4 persona dhe një i plagosur.

Raportohet se viktimat janë anëtarë të së njëjtës familje që po udhëtonin nga Kosova.

Siç shihet në pamjet e siguruara nga Top Channel në këtë aksident janë përfshirë një makinë tip “Citroën” dhe një kamion.

Sipas të dhënave paraprake dyshohet se makinat janë përplasur kokë më kokë. në këtë pjesë të Rrugës së Kombit mungon ndriçimi dhe dyshohet se ka ndikuar në shkaqet e aksidentit, si dhe lagështia në rrugë.

Në vendin e ngjarjes kanë shkuar forca të shumta policie, ambulanca dhe zjarrfikësit.

JU REKOMANDOJMË