Komuna e Mitrovicës ka bërë një zgjidhje të përkohshme për ngrohjen e nxënësve në shkollën “Harun Beka” në Gushavc të Mitrovicës.
Zyrtarët komunal kanë dërguar sot 20 nxemje me tre tela, ndërsa nesër pritet të dërgohen edhe 20 tjera, shkruan Jepi zë.
Ashtu siç kishe raportuar “Jepi zë” kohë më parë, po dalin probleme pasi shkolla u projektua pa kalldajë.
Për këtë problem, sot shkollën e ka vizituar edhe nënkryetari Arian Tahiri, i cili u prit nga drejtori i shkollës.
Momentalisht kjo është zgjidhja e vetme, mirëpo në ditët në vijim zyrtarët komunalë pritet të shohin mundësi të tjera për zgjidhje.
Njëra nga propozimet është transferimi i nxënësve në ndonjë shkollë të qytetit apo edhe hapja e tenderit për furnizim me kalldajë.