- 30-vjeçari Adrian Beqiri është arrestuar sot nga Policia e Kosovës si i dyshuar për bashkëkryerje në veprën penale “Vrasje e rëndë”.
Më 10 korrik të vitit 2021, Driton Salihu, 49-vjeçar mbeti i vdekur si pasojë e plagëve që mori nga arma e zjarrit.
Beqiri u arrestua sot në Vushtrri pas 7 muajve pasi që kishte ndodhur ngjarja, shkruan Jepi zë.
Pas intervistimit, me aktvendim të prokurorit të rastit, të dyshuarit i është caktuar masa e ndalimit për 48 orë, ka njoftuar Policia.
30-vjeçari i dyshuar ishte shpallur në kërkim së bashku me një person tjetër për vrasjen që kishte ndodhur në korrik të vitit të kaluar në rrugën “Evlia Qelebia” në Mitrovicën jugore.