4 ditë pushim, mbi 50 mijë kosovarë shkuan në Shqipëri

Publikuar më:

Për Ditën Ndërkombëtare të Punës, që njihet si festa e 1 Majit, 53 mijë punëtorë kosovarë po e shfrytëzojnë pushimin në Shqipëri.


Festa zyrtare e 1 Majit që ishte të shtunën dhe festa tjetër Pashkët ortodokse të dielën, për këto dy festa zyrtare në vikend, institucionet e shtetit do të pushojnë të hënën dhe të martën.

Për këto katër ditë pushim, sipas Policisë së Kosovës vetëm në pikat kufitare me Shqipërinë kanë kaluar 53 mijë e 588 qytetarë.

“Të premten më 30 prill, kanë kaluar kufirin 17 mijë 939, të shtunën më 1 maj 23 mijë e 516 dhe më 2 maj të dielën 12 mijë e 133 qytetarë”, thuhet në një përgjigj me shkrim për KP nga Zyra për Marrëdhënie me Publikun në Policinë e Kosovës.

Qeveria e kaluar me kryeministrin Avdullah Hoti kishte miratuar projektligjin, që në ditët e festave zyrtare kur i bie e shtunë ose e diel, nuk do të pushohet më të hënën. Ky projektligj ka mbetur në sirtarët e Kuvendit të Kosovës.

Për festën e 1 majit në çdo vend të botës organizohen protesta për të drejtat e punëtorëve, në Kosovë nuk pati protestë të organizuar nga BSPK-ja për shkak të masave kufizuese për parandalimin e përhapjes COVID-19, mirëpo u organizuan nga disa sindikata të tjera. Si pasojë e pandemisë, të premten janë raportuar 11 raste të vdekjes me SARS CoV-2 pozitiv, të shtunën 5, dhe të dielën 5.

JU REKOMANDOJMË

Jepize.com
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.